If you see big man
with fine well-starched and ironed clothes sit down for bus attachment; hmmm,
that nor be manage o. Na problem be that.
If you go buy akara
and moi-moi, the woman wen dey sell akara, come give you complementary card, hmmm,
you self reason: problem dey o.
If you be
undergraduate for school, money nor dey. You come go visit your relative for
house. Your relative tell you say things hard o, make you go bush go cut
broomstick wen you go sell take get money go school. That one nor be hardship. Na
suffer. Problem dey o!
You wen be man, you
come fat so tail, in the dark, people dey mistake you for woman. That nor be
enjoyment o. Na problem be that. Fat guy dey waka for night, he come dey hear, ‘si
si si.’ The guy vex: ‘Who you dey call like dat? You think say I be babe? You dey
craze for head.’
If you see a
grown-up man dey jug long distance for hot afternoon sun, that nor be exercise
o, na problem be that. Maybe the brain don enter reverse.
If you see woman wen
dey talk to herself in broad day light, she nor carry phone, she nor wear Bluetooth
for ear; nor be talking practice she dey, na problem be that.
If you see a young
man and woman leave their house, leave their church building, come go one uncompleted
building in the night to do praise and worship; hmmm, that nor be choir
practice or fellowship o, na problem be that. In some months time, you go hear testimony abi na true
confession, I nor know o. That na probability o.
No comments:
Post a Comment