Jokes in Pidgin English – 27 (Chief Aro of Hall 3)

Funny things we don see! UNIBEN Days!

Those days wen I dey Hall 3 for UNIBEN, e get one very funny guy for Hall 3 that time. The guy funny so tail dem give am title, ‘Chief Aro of Hall 3.” The word ‘aro’ suppose mean ‘craze’ or ‘mad’ man because it’s thought to have originated from the location of the Neuropsychiatric Hospital in Nigeria which was located in a town called Aro in Abeokuta. In UNIBEN then, many of the very funny guys then are thought to act crazy in a very jovial way. Hence, they were called ‘aros.’

 

Back to my story. This guy funny die. When he dey joke, na so e dey demonstrate like ‘I go die.’ As this guy come funny, no body dey take am serious. Anything wen e do, people go think say na joke e dey joke. Na so one day, this guy come dey sick, no body know. As e dey waka for Hall 3 near porter’s lodge (entrance), na so this guy collapse. Wen the guy collapse, people come dey laugh, dem think say na joke the guy dey joke. O boy, after some time, wen dem see say d guy nor dey move, na’im dem rush the guy, ‘Chief Aro dey die ooo’. Dem rush the guy go health-cente. Na God save d guy dat day ooo. Na so play play play play, the guy for die because of aroism. Anyways, he survived to continue the spirit of Aroism.