If
you see two women in labour, you can tell who be Ajebu (grew up in a privileged
home) or Kpako (grew up in a less privileged home) by the things they say when
they in pains.
You
see Ajebu grow up in a rich well-to-do home. When she dey small, if you beat
Ajebu, she go cry, ‘Mummy! Daddy!’ Everything na, ‘I’ll tell my mum and daddy.’
So, when Ajebu don grow up, marry and get belle (pregnancy), wetin she do for
small pikin level, na so she go continue as adult. When Ajebu dey labour, she
go shout: ‘Mummy! Mummy! Honey! Honey! Darling, where are you? I’m in pains.’
But
if Kpako dey labour, the story must change. You know say Kpako don suffer
before. When she dey small, if you beat am, she go curse you, ‘Your Papa! Your
Mama. You dey craze! Na my body you dey get power! Go beat you mate, ode!’ That
is why when Kpako woman grow up, marry, get belle and come dey labour, she go dey insult the husband and all and
sundry: ‘Johnbull, where you dey? Johnbull, with your big head, where you dey? Na
you put me for this one o. Na you put me for this wahala. Johnbull, e nor go
better for you ooo… John… bull ooo… Nurse, where you dey with your white
garment. The thing dey pain me ooo…’
No comments:
Post a Comment