Jokes in Pidgin English (41) - Quarrel quarrel for earth, settle for heaven!

He get people wen dey like quarrel. Dem love quarrel. Quarrel be like food for them. Especially women but some woman men are also implicated in this diagnosis. He get people, when dem wake up in the morning, dem go dey look for quarrel to use brush mouth, bath and take breakfast with quarrel. Quarrel be like daily medicine. If them nor quarrel for the whole day, dem go sick for lack of exercising their quarreling capabilities and mouth prowess. Dem dey look for quarrel from anywhere:

If you nor greet them, them go say: ‘You nor dey greet person. Who be your mate?’ Quarrel don start.

If you greet them, them go say: ‘Na so your mate dey greet? Na so dem dey greet for your village?’ Quarrel don start.

If you greet them, ‘Good morning, Madame.’ Quarrel don start. ‘Na who you dey call Madame. You think say I be old Mama. How many years I take senior you?’

E get one lady wen dey like quarrel. She dey like to be involved in quarrel either as an originator, participant, contestant, or judge. One day, she just dey dull. She never quarrel that day and its 5pm. She never take her quarrel medi’ci’ne for that day. She come see two young boys arguing and fighting. She happy:

‘Why, why, why, why, why who na dey quarrel? Who na nor know say quarreling and fighting nor good? Wetin start this quarrel? Who start this quarrel? Who na nor dey talk?’

The boys reply: ‘Nor be quarrel we dey o. Na play play fight we dey.’

‘Oh… Hmmm... OK na…’