Jokes in Pidgin English (11)

The pipeline explosion in Ogun State on Saturday reminded me of something. Nor be today this thing dey happen and we never still learn. Many years ago, pipeline explode for Jesse as men dey hustle to siphon fuel. E get one man wen escape the Jesse fire but he still get burn marks for em face. Sometime later, when another pipeline burst for Ogharra. The same man was seen with his burnt face hustling to siphon fuel. He never learn, abi? So, this man don turn veteran or professional for stealing fuel from burst NNPC pipelines. One day, another pipeline burst. This guy carry em 50L jerry can to go work again (ochofree). Na so the wife grab the guy, ‘ where you dey go? You nor dey go any way.’ Nor do nor do, na so the man drop em jerry can sit down for house make em nor bring quarrel. The wife deceive the man enter house, she come lock the door for outside so that the man nor go escape go another burst-pipeline-free-for-all-parade.

Much later, when the wife open door, na so my guy provoke: ‘What’s the meaning of all this? Why did you lock me inside?’

Wife: ‘Relax, you too like quarrel?’

Husband: ‘Why I nor go quarrel? You don make me loss this opportunity.’

Wife: ‘Cool down, save your energy. Look well. I don go fill the 50L jerry can with fuel. Oya, go sell am.’

Husband: ‘So, you go where the pipeline burst? You nor dey fear?

Wife: ‘Before unko. You think say i go let you go before. Who you wan die leave the 10 children for before?’