Jokes in Pidgin English (32) – New bike, New Wife!

For North na new bikes dey rain (popular). If person work work and em wan show say e don dey arrive, e go go buy new authen bike. E go take am parade the neighbourhood, ‘vaaaaaaan vaaaaan.’ E get one staff for my work, e buy new bike. Em colleagues come gather round dey admire the bike. One of them tell am say, ‘O boy, na to marry another wife now.’ My guy dey smile… I come dey wonder, if person buy new bike, e don acquire the status of marrying a new wife?

 E get one man, he don marry. One day, he tell the wife say he wan buy new bike. Eh eee! The wife say, ‘haaa, you don forget say Mariama never pay sch fees, what of the new cloth wen you say go buy for me…’ Na so this woman dey complain about many many things. If you hear dis woman, you go think say she nor want the husband to buy new bike because of the expenses for the home. Lie lie! My brother, nor be say she nor want the husband to buy new bike ooo, na wetin the husband go use the bike do na’em dey fear her. She know say the moment he buy the bike, use am take tour the full area, the next thing, another wife go come join for her for the house.