Jokes in Pidgin English (34) Likita (doctor) self!

He get one doctor wen work for North for some years. For North, he notice say women dey quick dey born well well. You go see 20 year old with belle (pregnancy), ask am, ‘Is this your first pregnancy?’ She go smile; for her mind she dey reason: ‘Likita self! Which level? Why you dey underrate me? For my age?’ Then she go talk say that na the 3^rd or 5^th as the case may be.

This doctor come go South. He come dey see a 20-year pregnant lady. Doctor ask: ‘This pregnancy is number what?’ The lady burst laugh: ‘hahahahahahahaha… Doctor doctor, ask wetin dey your mind. Which kind question be that? For my age I look like person wen suppose carry belle? Wen my mates dey go school, dey hustle. If nor be Ekwe with him badluck when put me for this one wen I dey so. Instead of you to ask me whether I go keep or I nor go keep am? You go fit help me remove am?’