Jokes in Pidgin English (9)

Funny thin wen we dey see and hear!

You don ever pass one quiet street, only you, you come jam one big man wen nor wear shirt hold sharp cutlass dey waka towards you. O boyee. U go first confuse, whether make u run go back or make u begin dey greet d guy from distance so dat e mind go cool down b4 u near am. Well, maybe na just farmer wen dey go farm and d cutlass na wetin e go use for farm. But how u wan take dey sure say he means no harm. For my hometown, na so I jam one farmer like dat one day. D farmer nor wear shirt, e hold cutlass for hand wen e go use for farm. I nor sure say I don greet person pass d way I greet dat man dat day. Na from distance d greeting start, ‘Brother digwo! Digwo broda! Digwo broda!’ repetition 4 emphasis in case e nor hear d first time.

E come get one guy wen dey say em blind, e nor dey see, e dey use long stick dey waka. Na so d guy enter one quiet road. Na only him dey. E come dey waka freely e nor dey use d stick. After few minutes, na em sight one man dey come from distance. D blind guy quickly arrange em stick, dey form blind guy. As e come dey near d other man, e come see say d guy nor wear shirt and e hold one sharp new cutlass. O boy, na so d blind man stop. E dey reason: ‘dis man wen nor wear shirt and e hold cutlass, na farmer abi na ritualist? Wen e see say d cutlass guy don dey near am, e come remember say, sometimes, na disable people dem take do ritual pass. O boy, na so d blind man, leave e stick dey tear race dey go. D cutlass man dey tell am say ‘eh, u  forget ur stick ooo!’ o boy, blind man nor send. 4 em mind, safety first!

O boyee.. wetin people nor go do to survive 4 dis naija!