Jokes in Pidgin English (6) - ‘Who be husband, who be in-law?'

My people. E get one guy, d guy is short, I mean briefly summarized and abridged. Na so my guy see one girl wen e like. E talk to d girl, d girl agree. So, d guy say make him go see d girl parents. D guy come dey fear say d girl parents nor go like am. D girl tell am say nor worry, ‘my parents re very understanding.’ D mistake wen d guy make, e come go take one of em tall friends say make him escort am go d girl parents place. As dem reach d girl parents house. D girl and d tall guy first come down. My guy wen propose come come down, go d boot of d car go carry d girl load. Em tell d girl and d friend say make dem go inside, him dey come. As my guy dey carry d girl load dey come, wen d girl mother see d short man wen dey carry load dey come, she nor know say dat na d prospective in-law, she don conclude say na d tall friend be d man wen wan marry her daughter. Dis woman come tell d guy wit load, thinking dat he’s a cab driver, ‘eh… u can leave d load there and go back, some1 will come and carry it.’ My guy confuse. E nor know d mouth wen he go take tell d woman say na him be d main guy. Na d girl come rush tell d mother say dat man nor be driver, ‘na him I wan marry’…. O boyeee, as P-square sing am,‘d girl I wan carry, na d girl I wan marry….'